समाचार

नेपालकी सुन्दरीले जितिन् बेलायती मोडल प्रतियोगिताको भोटिङ

नेपालकी सुन्दरीले जितिन् बेलायती मोडल प्रतियोगिताको भोटिङ

 

४२ हजार मत पाएर पहिलो बनिन्

लण्डन । नेपालकी प्रशुना कँडेल बेलायतमा प्रतिष्ठित फेशन तथा मोडेलिङ प्रतियोगिता ‘रुल दि रनवे यूके’को महिलातर्फ़ फोटो प्रतियोगिताको बिजेता बनेकी छिन् ।

संसारभरका मोडल तथा डिजाइनरहरुका लागि प्लेटफार्म प्रदान गर्ने रुल दि रनवे यूकेले आयोजना गरेको प्रतियोगितामा कँडेल अनलाईन भोटिङमार्फत् सो विधामा प्रथम भएकी हुन् ।

सोमबार भोटिङ लाइन बन्द गरेपछि आयोजकले बिजेताहरु घोषणा गरेको थियो । प्रशुनाले अनलाइन मतदानमा ४२ हजार बढि मत पाएकी थिइन् । उनका प्रतिद्धन्द्धी ज्यस्मीन स्टिरले उनले भन्दा आधा थोरै मत मात्र पाएकी थियिन । सोही विधामा पुरुषतर्फ़ भने एन्टोन नोबल १० हजार भन्दाबढि मतले प्रथम भए।

बिजेता कँडेलले अनलाइन खबरसँगको कुराकानीमा आफुलाई जिताउन सहयोग गर्ने सबै नेपाली हरुलाई धन्यवाद दिदै भनिन-“आउने दिनहरुमा सँधै राम्रो काम गरेर देशको शिर उचो राख्ने कोशिस गर्नेछु।”

आउँदो फेब्रुअरी महिनाको २७ तारिखमा बर्मिङ्घमको क्रेसेंट थिएटरमा अयोजना हुने फाइनलका लागि समेत प्रसुनाले ३ नम्बर क्रेडिट प्राप्त गरेकी छिन्।  उनलाई यो विधाको बिजेता ट्रफी पनि सोही कार्यक्रममा प्रदान गरिनेछ ।

नर्सिङ  पेशामा अबद्द उनी नेप्लिज नर्सिङ एसोसिएसन यूकेकी उपाध्यक्ष पनि हुन् । पछिल्लो समय समाजसेवामा उनको संलग्नता बढेको छ । भूकम्पलगत्तै उनकै संयोजनमा नेपाली नर्सहरुको टोली सिन्धुपाल्चोक, धादिङ, काभ्रे, रसुवा, लगायत १० जिल्ला पुगेर राहत वितरण तथा उपचारमा संलग्न भएको थियो ।

उनले यसअघि पनि बेलायतका विभिन्न मोडलिङ प्रतियोगितामा सहभागिता जनाइसकेकी छिन् । उनले गत वर्ष आयोजित अन्तर्राष्ट्रिय एफ्रो मोडल अवार्डदेखि सन् २०१२ मा सम्पन्न फेस अफ प्यूरिटीको फाइनलिष्टमा छनोट भएर मिस पब्लिक च्वाइस अवार्ड समेत हाँसिल गरिसकेकी छिन्  । यूकेका विभिन्न वेबसाइट तथा म्यागजिनका लागि फोटोसुट गरिरहने उनले बेलायतमा निर्मित नेपाली चलचित्र ‘यू टर्न’मा सह-नायिकाको भूमिका समेत गरेकी थिइन् ।


यसमा तपाईको मत

More

कर्मचारीको परिचय

More

अभिलेखालय

shirjana ra shangeet
muktak ra ma
गाउँछ गीत नेपाली ..

सामाजिक संजाल